Día do Libro: Maiores contan a peques

Hoxe traemos unha desas novas que fan que o noso colexio sexa un lugar tan especial. A maxia dos libros volveu inundar as nosas aulas cunha actividade que nos une a todos e todas.

Continuación de ‘Os maiores contan aos pequenos’

Damos continuidade ao noso entrañable programa onde a literatura serve de ponte entre diferentes xeracións do centro. Nesta ocasión, as lecturas compartidas trasladáronse á biblioteca de Educación Primaria e Educación Infantil, creando un espazo de convivencia fantástico onde os máis maiores se converten en guías e cómplices dos máis pequenos a través dos contos.

Coincidindo coa celebración do 23 de abril (Día do Libro), levamos a cabo a xornada de ‘Padriños lectores’ / ‘Maiores contan a pequenos’. Foi emocionante ver como o alumnado compartía lecturas, recomendacións e momentos inesquecibles arredor das páxinas das súas historias favoritas.

Esta actividade estivo dirixida a todo o centro e pensada tamén para abrir as nosas portas a toda a contorna, implicando a familias, profesorado e alumnado nun obxectivo común: espallar o amor pola lectura en galego.

Queremos dar un agradecemento moi especial a todos os departamentos e equipos que coordinaron e fixeron posible que este proxecto saíse adiante coa máxima ilusión:

Equipo de Dinamización da Lingua Galega (EDLG)

Equipo da Biblioteca

Departamento de Educación Plástica, Visual e Audiovisual (EPVA)

Departamento de Lingua Galega e Literatura (LGL)

Departamento de Lingua Castelá e Literatura (LCL)

Oratoria 4ºESO

Titorías de ESO, Primaria e Infantil

Grazas a todos e todas por facer da nosa biblioteca un espazo vivo e cheo de historias! Ata a vindeira entrada!

Comentarios

Publicacións populares deste blog

Paisaxes sonoras

Kit singular “Harmonías en movemento” do espazo de Polos Creativos. Materia: Expresión Artística (4º ESO) Profesora: Débora Fresno Rodríguez Alumnado de 4º ESO da materia Expresión Artística OBXECTIVOS DA ACTIVIDADE : Elaborar de forma creativa producións gráfico-plásticas que permitan poñer en valor unha aproximación á realidade mediante os cinco sentidos, empregando o debuxo como medio de percepción, análise e expresión. CONTIDOS TRABALLADOS C1.1. Os efectos do xesto e do instrumento: ferramentas, medios e soportes. Cualidades plásticas e efectos visuais. C1.4. Técnicas de debuxo e pintura: técnicas secas e húmidas. RECURSOS: MATERIAIS, FERRAMENTAS E MÁQUINAS • Caderno de debuxo persoal do alumno (bosquexos de traballo e probas previas) • Papel liso negro (formato circular) • Cartulina preta (formato lineal para reproducir na caixa de música) • Kit singular “Harmonías en movemento” • Cámara fo...

Ler máis

Siluetas de aves para evitar colisións de paxaros

Desde o Departamento de Expresión Artes Plásticas realízanse unha serie de adhesivos de siluetas de distintas aves para contribuír á mellora do patio escolar, en concreto, co obxectivo de evitar a colisión de paxaros na zona de lecer anexa ao Edificio de Secundaria.

Ler máis

Viaxe ao Xurés

As alumnas e alumnos de 3º de ESO volvemos viaxar ao parque natural da Baixa Limia-Serra do Xurés nos días 21,22 e 23 de Maio. Aprendimos un montón de cousas, e fixemos moitísimas actividades e visitas culturais, e tamén o pasamos moi ben. O primeiro día ademais da viaxe visitamos o castro de Castromao preto de Vilanova dos Infantes. En Celanova o Mosteiro e a Casa dos Poetas onde vivíu Curros. Despois xa no camping montamos as tendas, xantamos, e fomos facer piragüismo. De volta ao camping e despois de cear fomos facer xogos de asexo. O segundo día adicámolo case en exclusiva a facer unha ruta moi bonita que sae da aldea de Maus de Salas e remata cerca da aldea de Mugueimes despois de pasar por un montón de lugares fantásticos: pozas, fervenzas, canles, bosques, bolos graníticos… De volta da ruta fomos a darnos un merecido baño nas pozas do Río Caldo, preto de Lobios. E pola noite…outra vez xogos nocturnos O terceiro día, despois de desmontar as tendas e recoller, Visita...

Ler máis

Proxecto Terra

Buscar neste blog