Proxecto Terra

  7 ao 24 de outubro: EXPOSICIÓN ‘Mulleres do Medievo galego’     Grazas á colaboración coa área de Igualdade, dependente de Servizos Sociais da Deputación da Coruña, o noso centro converteuse nunha xanela ao pasado para rescatar o legado das mulleres que axudaron a construír a nosa historia. Estivo nos nosos corredores do 7 ao 24 de outubro de 2025. Estes días puidemos desfrutar nos corredores do centro dunha fascinante exposición de paneis centrada na vida e relevancia de dez mulleres galegas fundamentais da época medieval. O máis espectacular da mostra é que a biografía de cada unha delas vén acompañada de impresionantes deseños realizados por ilustradoras galegas actuais, creando unha ponte perfecta entre a nosa historia e a arte contemporánea. A exposición non veu soa. Para sacarlle o máximo partido, activamos unha serie de actividades paralelas adaptadas desde 4º de Educación Primaria ata 4º da ESO, onde o alumnado puido investigar, crear e reflexionar dende difer...

  Dende hai anos o colexio é voluntario no Proxecto Ríos, así que o alumnado normalmente de primeiro comproba dúas veces por curso, o estado de saúde dun treito do río Chonia que, como veredes ten moito valor natural, paisaxístico e patrimonial. Dende o colexio subimos a un autobús cos profes Pablo, Lidia e Ignacio para achegarnos ata o río. Acompañábamos tamén Gabriel, o noso auxilir de conversa que ven de Chicago. Cando baixamos do autobús, na aldea de Oa, dirixímonos ata alí. Polo camiño atopamos 2 batáns, algúns muiños e unha torre para fabricar enerxía eléctrica (Hai anos chamabanselle fábricas da luz). É un conxunto etnográfico de gran valor, pero, por desgracia, está cada vez en peor estado. Cando chegamos ao río fixemos unhas cantas probas e comprobacions en grupos de 4 persoas. Despois de realizar as probas xantamos e, antes de voltar ao colexio, xogamos un pouco atravesando o río por riba de pedras que teñen milleiros de anos. Despois de xantar emprendimos o camiño de vol...