Preparados para mover o corpo e presumir de lingua? Hoxe traemos ao blogue unha iniciativa que nos ten a todos e todas con moito ritmo no corpo: a nosa participación no Certame Coreografíate, unha iniciativa organizada e xestionada pola Asociación SocioPedagóxica Galega (AS-PG).
Este proxecto vai moito máis alá de aprender uns pasos de baile; é unha homenaxe á nosa cultura e un impulso directo á música realizada en galego como unha ferramenta perfecta de comunicación, expresión e divulgación do noso idioma entre a mocidade.
O reto do Coreográfiate propón fusionar a actividade física coa identidade cultural. A partir de cancións do panorama musical galego actual, o noso alumnado tivo que converterse en coreógrafo e bailarín, traballando nestes pires fundamentais:
Dinamización lingüística: Descubrir, escoitar e poñer en valor os ritmos e as letras que se fan hoxe en día en Galicia.
Expresión corporal e ritmo: Utilizar o movemento do corpo para comunicar a mensaxe e a forza das cancións.
Creación colectiva: Deseñar pasos e figuras en equipo, onde a axuda mutua e a complicidade foron as claves do éxito.
As aulas, o patio e o ximnasio transformáronse durante os ensaios nun auténtico fervedoiro de enerxía. Foi incrible ver como a música en galego une, motiva e saca o mellor de cada un de nós! The Rapants, 9Louro ou LilSam soaron durante moitas xornadas e debullamos a letra, as partes musicais, etc.
Ademais, todo cadrou co Día da Música.
O traballo fíxose e enviouse con moitísima ilusión, aínda que finalmente os centros gañadores foron outros.
Onde se poden ver os bailes?
A organización do certame subiu todo ao espazo web oficial da asociación:
Queremos felicitar a todo o alumnado pola súa entrega e esa enerxía tan contaxiosa, e agradecer á AS-PG por impulsar proxectos tan necesarios que fan que o galego se fale, se sinta e... se baile!
Comentarios
Publicar un comentario