8 marzo, Día da Muller. A miña aldea. Mural e pódcast

En colaboración co Servizo de Igualdade do concello de Trazo realizouse este curso un novo mural no patio da escola titulado “A miña aldea”.

A elaboración correu a cargo de alumnado de distintos grupos do centro, tanto de Ed. Primaria coma da ESO. Previamente o colectivo As Paxaras, formado por Eva Agra e Marina AMR (Festa), desenvolveron varios obradoiros de empoderamento feminino e sensibilización en igualdade.

A obra literaria de Rosalía Morlán, fundamentalmente a poética, foi a base destes obradoiros. Como produto final ideáronse tres marcapáxinas con cadanseu deseño orixinal e poema da autora amais un mural que loce no edificio II de Ed. Primaria.

Esta autora é natural de Vilariño (Trazo) e o concello outorgoulle o título de filla predilecta neste 8 de marzo de 2025. Tamén a ilustradora Eva Agra ten orixe familiar no concello.

Este proxecto ten a ver cos ámbitos de identidade territorial, desenvolvemento sustentable, patrimonio cultural e paisaxe.

As artistas Eva Agra e Marina AMR (As Paxaras) e a escritora Rosalía Morlán colaboraron coa iniciativa de pódcasts A Cafetería, e así publicarmos uns capítulos.

Capítulo 1: Eva Agra e Marina AMR Spotify e iVoox.

Capítulo 2: Rosalía Morlán iVoox e Spotify

Comentarios

Publicacións populares deste blog

Fin de Curso en Ribeira

O día 20 de xuño a modo de despedida deste curso fixemos una saída a Ribeira. O autobús levounos ata a Curotiña dende onde fixemos unha pequeña andaida cara o río San Xoan, na parte alta das famosas pozas do río Pedras. Despois de contemplar as vistas dende o miradoiro, diríximonos ao centro de interpretación na Praia do Vilar. Xantamos no merendeiro xusto a carón do centro e despois paseamos un pouco pola Praia. Dedicamos a tarde a actividade deportiva alternando entre piragüismo e paddle na Praia do Coroso en Ribeira.

Ler máis

Paisaxes sonoras

Kit singular “Harmonías en movemento” do espazo de Polos Creativos. Materia: Expresión Artística (4º ESO) Profesora: Débora Fresno Rodríguez Alumnado de 4º ESO da materia Expresión Artística OBXECTIVOS DA ACTIVIDADE : Elaborar de forma creativa producións gráfico-plásticas que permitan poñer en valor unha aproximación á realidade mediante os cinco sentidos, empregando o debuxo como medio de percepción, análise e expresión. CONTIDOS TRABALLADOS C1.1. Os efectos do xesto e do instrumento: ferramentas, medios e soportes. Cualidades plásticas e efectos visuais. C1.4. Técnicas de debuxo e pintura: técnicas secas e húmidas. RECURSOS: MATERIAIS, FERRAMENTAS E MÁQUINAS • Caderno de debuxo persoal do alumno (bosquexos de traballo e probas previas) • Papel liso negro (formato circular) • Cartulina preta (formato lineal para reproducir na caixa de música) • Kit singular “Harmonías en movemento” • Cámara fo...

Ler máis

Viaxe a Cádiz

O alumnado de cuarto decidíu visitar Cádiz e os seus arredores como viaxe de fin de curso o que resultou ser unha experiencia realmente inesquecible. Este e un resumo do programa que Seguiron, e alguhas fotos. Día 1 Viaxe de ida Visita a Sevilla Entrada no hotel: Zahora-Caños de Meca(Barbate Día 2 Tramo Ruta Eurovelo 8 Chiclana – San Fernando: Parque Natural Bahía de Cádiz Visita salina artesanal Santa María de Jesús Visita San Fernando Karting en Conil Visita Vejer de la Frontera Día 3 Arborismo en Entre Ramas Praia de Camposoto e sendeiro de Punta Boquerón Día 4 Excursión a Tánxer desde Tarifa con visitas guiadas. Día 5 Día en Zahora, visita do Palmar de Vejer e/ou Cabo Trafalgar Día 6 Visita guiada a Cádiz Visita a Torre Tavira Tempo libre na cideade con opción de Praia da Caleta. Visita a Cova do Paxaro Azul Día 7 Viaxe de Volta

Ler máis

Proxecto Terra

Buscar neste blog