Patrimonio e sendeirismo por Trazo e Tordoia: Castro da Croela e Vilouchada, Dolmen de Cabaleiros e Pedra Longa.

O luns 19 de xuño, o alumnado de primeiro e segundo de ESO acompañados polos profesores/as de Xeografía e Historia,  Educación Física e Tecnoloxía saímos da escola co obxectivo de coñecer algo do patrimonio do noso concello e o veciño Tordoia. Preguntando aos nosos veciños e familiares descubrimos que as terras que pisamos agáchan lendas e historias dos nosos antergos. Decidimos visitar algo do mais destacado do traballo desenvolvido.

Saímos en autobús do colexio camiño do Castro da Croela e o de Vilouchada, ambos sen excavar pero onde segúndo as explicacións da nosa profesora, e grazas a forma do relevo é doado imaxinar o recinto pechado coas súas entradas, o foso...

Despois dirixímonos a visitar o xa moito mais coñecido Dolmen de Cabaleiros, ao que nós chamamos "A Casa Moura". Aquí fixemos unha visita guiada por unha especialista do concello de Tordoia que nos contou moitas cousas interesantes. Dende aquí comezamos unha ruta duns oito quilómetros a pé que nos levou ata o lugar da Pedra Longa, un megalito de impresionantes dimensións.

Aquí amosamos algunhas fotografías da nosa excursión.