Proxecto Terra

  Ordes é a capital da nosa comarca e vai sendo recoñedida pola cantidade e calidade dos murais que participan da súa paisaxe urbana. Agora que tamén temos algúns no noso centro, o alumnado de terceiro e cuarto deu un paseo por alí. Isto que vedes abaixo e só unha mostra, mellor que cando podades, dedes vós mesmos unha volta.

Como sabedes, está en marcha, prorrogada deica primeiros de xaneiro de 2025, a exposición Toponimia galega castelanizada e deturpada. A profesora Luísa Diéguez, dende o Equipo de Dinamización da Lingua Galega do IES PUGA RAMÓN (A Coruña), organizou a recollida de toponimia castelanizada de calquera punto xeográfico de Galicia. Con este traballo preténdese denunciar o incumprimento desta lei por parte da Administración.  O xornal comarcal Primeira Noticia publicou a toda páxina unha información sobre o evento, acompañado por catro imaxes cos nosos corredores acollendo a exposición. Na propia portada dese número de decembro aparecía como un dos titulares destacados. Precisamente no corpo da noticia alúdese á relación entre esa actividade e este Proxecto Terra, contribuíndo así a difundilo entre a poboación xeral. Con máis de 3 anos de traxectoria, Primeira Noticia é un xornal con edición mensual e cunha tirada de 5.000 exemplares. Como emblema da comarca máis galegofalante de Galicia,

  En novembro e decembro o alumnado de plástica realizou intervencións no centro para colaborar na celebración de Samain e Nadal. Deixamos unha pequena mostra.

En Oratoria de 3ºESO estivemos traballando arredor dos nomes das nosas parroquias, aldeas e outras entidades de poboación, é dicir, a toponimia. Para nos achegar a un mundo tan fascinante empregamos o estupendo libro Por que se chama así este sitio? , de Luz Méndez. Dividimos os capítulos entre o alumnado, que tiña que elaborar un esquema sobre a clasificación dos topónimos e despois explicalo na aula diante de todo o grupo.  Foi un achegamento moi interesante que serviu de complemento perfecto para a exposición Toponimia galega castelanizada e deturpada , que o noso EDLG Trazos conseguiu traer ao centro dende o 5 de decembro ata comezos de xaneiro. Este proxecto xorde da iniciativa da profesora Luísa Diéguez González, de Lingua Galega do instituto Rafael Puga Ramón, da Coruña. Aquí podemos ver algúns dos traballos resultantes: - Introdución xeral , elaborado por Ángel: -Topónimos con orixe en construcións feitas polo ser humano . Pica na imaxe para acceder ao esquema interactivo real